Каја Тасевска и Марко Милчевски од ателје „Бојар“ првонаградени на 5.републичка изложба на фотографии

Каја Тасевска и Марко Милчевски од ателјето „Бојар“ од Скопје освоија први награди на петтата републичка изложба на фотографии „Мотиви од мојата татковина Република Македонија“. 

Тасевска е наградена за делото „Премин“, Милчевски за делото „Скопско кале“.

Од доделените награди, школата за цртање и сликање ателје „Бојар“ доби диплома за учество, а Љупчо Бојаров диплома за менторство.

На конкурсот за оваа петта републичка изложба учествуваа основни училишта, средни уметнички училишта и ликовни факултети. Пристигнаа над 900 фотографии, а за изложбата беа селектирани 215 фотографии кои се изложени во галеријата на ликовниот салон во Кинотека на Македонија. 

Организатор на изложбата е Детскиот ликовен културен центар - Скопје, а покровител Министерство за култура. Изложбата ќе биде отворена до петти мај.