ЈОРСМ: Изнесените информации за предистрагата за Онкологија се погрешни и може да ја вознемират јавноста
Информациите изнесени денеска во врска со предистрагата за Клиниката за онкологија се погрешни и можат да предизвикаат вознемирување на јавноста, реагира државното Јавно обвинителство во допис до медиумите.
Како што и претходно соопшти, Основното јавно обвинителство Скопје во рамките на предистражната постапка за предметот поврзан со работата на Клиниката за онкологија, со барање од 13 септември 2023, веднаш ги обезбедило сите изготвени извештаи од извршените вонредни надзори на Фондот за здравствено осигурување за финансиското работење на Клиниката, за периодот од 1 јануари 2015 до март 2023 година.
Нагласува дека не станува збор за документи од свиркачи, туку за официјални документи од државни органи достапни на истрагата.
ЈОРСМ соопшти дека согласно информациите што ги добило од Фондот, во финална фаза на изработка е нов тримесечен извештај, за периодот до јуни 2023 година, и дека по изработката тој извештај веднаш ќе му биде доставен на Обвинителството.
-Нагласуваме дека не постои и воопшто не е изготвен извештај што го опфаќа периодот до август 2023 година. Сите докази во предметот се обезбедени и веќе се предмет на анализа од стручни лица. Предистражната постапка не опфаќа одреден временскиот период и ги испитува сите евентуални незаконитости без разлика кога се случиле. Секој што има дополнителни сознанија за овој настан има обврска да ги пријави до надлежните органи, наведува ЈОРСМ.
Ново на Сител
-
ОЈО отвори истрага против врховниот судија Георгиев и членот на Советот на јавни обвинители Мемети
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола