Јоханес Хан во посета на Белград
Еврокомесарот за соседска политика и проширување Јоханес Хан денеска ќе престојува во еднодневна работна посета на Белград, каде ќе има средби со највисоките претставници на српските власти.
Предвидено е Хан да се сретне со српскиот претседател Александар Вучиќ, премиерката Ана Брнабиќ, шефот на дипломатијата Ивица Дачиќ и со министерката за европски интеграции Јадранка Јоксимовиќ.
Во пресрет на посетата на Белград Хан изјави дека Србија има цврста европска перспектива, која не е доведена во прашање, но дека брзината на одвивањето на пристапните преговори ќе зависи од темпото на спроведувањето на реформите, пред се во сферата на владеење на правото, како и од нормализацијата на односите со Косово.
Во изјава за белградскиот весник „Вечерње новости“, Хан оцени дека иницијативата на Вучиќ за започнување на внатрешен дијалог за Косово претставува „храбар и добредојден потег“.
Тој уште еднаш потенцира дека важен дел од преговорите за членство на Белград во ЕУ е и сеопфатната нормализација на односите меѓу Србија и Косово, која, според него, ќе придонесе за зачувување на мирот и стабилноста во регионот и ќе гарантира заштита на правата на сите граѓани.
Ново на Сител
-
Запленети над два тона сув цвет од канабис од објект на правно лице во Зелениково
-
Зеленски и Трамп разговараа за потенцијално заедничко производство на беспилотни летала
-
Прекин во снабдувањето со електрична енергија во дел од централното подрачје на Скопје
-
Путин не може да биде среќен од резултатите од Самитот во Хаг, смета Руте
-
Роналдо му се заблагодари на Пиоли по заминувањето од Ал-Наср
-
Виолетовата медуза повторно присутна во делови на Грција
-
Трамп ја потврди посветеноста на колективната одбрана на НАТО и го поздрави растот на трошоците за одбрана
-
Измени на Законот за воздухопловство, предлог да се зголеми на шест години финансиската поддршка за нови авиолинии