Ји: Косовската Влада да го повлече предлог-законот за трансформација на БСК
Заменикот-помошник американски државен секретар Хојт Брајан Ји ги повика во Приштина косовските претставници да ја прекинат иницијативата за трансформација на Безбедносните сили на Косово (БСК) во Војска на Косово, преку закон без уставни промени.
Ји, кој престојува во официјална посета на Косово, ја повика косовската Влада „да го тргне законот од масата“.
Американскиот претставник побара од косовските власти да продолжат со консултации по тоа прашање со малцинствата.
- Бараме од Владата, претседателот и останатите кои се вклучени во процесот да го повлечат законот додека процесот за консултации и координација не биде спроведен во соласност со утврдените насоки, нагласи Ји во интервју за РТК, пренесува Танјуг.
НАТО и САД предупредија претходно дека ќе ја намалат воената соработка со Приштина доколку косовската Влада спроведе трансформација на БСК во Војска на Косово без уставни промени.
Приштинскиот весник „Зери“ претходно, повикувајќи се на неименувани извори, објави дека се очекува предлогот-закон за трансформација на БСК да биде поднесен за одобрување во Собранието во април, по изборите за претседател на Србија.
Ново на Сител
-
Иран соопшти за најмалку 95 повредени во израелските напади во текот на ноќта
-
Израелски авиони извршија нов напад врз Иран
-
Јаневска и Сијарто потпишаа Меморандум со кој годишно по 20 македонски студенти ќе добиваат стипендии за студии во Унгарија
-
Не спречиле палење на пиротехниката, проширена истрагата на 13 полицајци за пожарот во дискотеката во Кочани
-
Официјален претставник на Хезболах: Ќе се држиме подалеку од израелско-иранскиот конфликт
-
Бислимоски: Војната меѓу Израел и Иран ќе влијае врз цената на нафтата и во Македонија
-
Трамп го предупредува Иран да се согласи на нуклеарен договор пред „уште побрутални“ напади
-
Авион на „Ер Индија“ принудно слета на островот Пукет во Тајланд по закана за поставена бомба