Изложба на „Полска школа на плакат“

Изложбата се реализира во рамки на проектот „Музеум линк“ на Музеј на град Скопје и 18 музеи надвор од Скопје.

 

- Ова е прва од бројните изложби кои планираме да ги презентираме пред пошироката јавност во градовите низ Македонија, што е и основна цел на проектот за вмрежување со кој се опфатени 18 музеи од државата. Идејата потекна од нас бидејќи Музеј на град Скопје има контакти со сите странски мисии и годишно циркулираат околу 30-тина изложби и многу ни е важно да ги види што поголема публика. Сите 18 музеи ја поддржаа таа идеја и проектот се реализира со сопствени средтсва, а таа идеја ја поддржа и препозна и Полската амбасада која ја финансира изложбата, а останатите трошоци ние како сестрински музеи ги делиме, изјави Јасминка Намичева, кустос-советник во Музеј на гард Скопје и автор на проектот „Музеум линк“.

 

Тој рече дека ова е прва ивложба која се покажала како функционална, а целта е , како што рече, скопската публика да не биде привилегирана во понудата на културни настани.

 

- Проектот не смее да биде свртен само кон една публика, поради тоа го создадовме и проектот „Арт-линк“ кој ги обединува сите државни и приватни универвитети и прави спој помеѓу музејската и универзитетската заедница, чиишто таргет-групи се младите и студентите, додаде Намичева.

 

Повод за „Полски плакат“ е богатата збирка која ја донесе Полската амбасада во РМ, и истата е повод за нови спроекти кои студентите ќе ги прават во иднина.

 

- Веќе договоривме проект, конкурс за изготвување плакат на тема „Туристичка промоција на Македонија во светот“ на која младите поттикнати до полскиот плакат ќе можат цело лето да размислуваат и творат. Според контактите со професорите, веќе има многу заинтересирани, а конкурсот ќе заврши на почетокот на декември. По жирирањето ќе се направи изложба која веќе од 1 јануари 2017 година ќе кружи на секои две седмици низ музеите“, дополни Намичева.

 

Според директорот на ЛУ Градски музеј, Крива Паланка, Драган Величковски, прокетот „Музеум линк“ е одлична можност да се вмрежат и соработуваат ситре  музеи.

 

- Покрај на ниво на изложби ќе можеме да оствариме и останата соработка за други проекти и истражувања што е во прилог н аразвој и афирмација на нашите музеи-установи, рече Величковски.

 

Изложбата била прикажана најпрвин во универзитетските градови, Штип, Тетово, Битола, Струмица, понатаму била прикажана  во Кратово, од денес е во Крива Паланка, каде ќе биде поставена две недели, по што ќе продолжи во Куманово, Виница, Прилеп, Неготино, Кавадарци и Гевгелија.