Италијанската железница единствена поднела понуда за купување на Траиносе

Италијанската државна железница S.p.A e единствениот кандидат што  поднел понуда за купување на 100 проценти од акциите на грчката железница Траиносе, соопшти Фондот за развој на Грција (ХРАДФ).

ХРАДФ информира дека и покрај првичниот интерес, руската железничка компанија РЗД не поднела понуда.

Претходниот тендер за продажба на Траиносе беше поништен поради недостиг на заинтересирани, и покрај фактот што голем број кандидати, како француската железница, конзорциумот меѓу РЗД и ГЕК Терна, и романскиот ГФР изразија првичен интерес.

Тендерот за продажба на Роско, грчката компанијата за одржување и ремонт на железницата, е поништен, затоа што не била поднесена ниту една понуда.