Италијанската крајбрежна стража од водите на Средоземно Море спаси 500 мигранти

Италијанската крајбрежна стража денеска спаси приближно 500 мигранти крај либискиот брег на Средозменото Море и од вода извади тела на шестмина удавени, пренесоа британските медиуми.

Военопоморските сили соопштија дека ја продолжуваат потрагата по преживеани и евентуални други жртви.

Притисокот во најтешката мигрантска криза во Европа од Втората светска војна сега е паднат врз Италија, каде од почетокот на годината до крајот на август, според податоците на Високиот комесаријат за бегалци на ОН, пристигнале околу 115. 000 лица.

Смртността по маршрутата од северна Африка кон Италија е зголемена до еден мигрант на секој 42 тргнати да го минат Средоземно Море, во споредба со еден на секој 52 од минатата година.