Италија: Коригирана информацијата за загинатите во земјотресот на 241 наместо 247 лица
Бројот на загинатите од земјотресот во Италија е 241, а не како што претходно беше соопштено 247, изјави денеска претставник на службата за цивилна заштита, пренесе ДПА.
Според него во Аматриче потврдените жртви се 184, во Аркуата дел Тронто - 46 и во Акумоли - 11.
Повеќето од загинатите се туристи, вклучувајќи и странци. Околу 270 лица се повредени и се сместени во болници.
Градоначалникот на Амалтриче денеска изрази стравување дека под урнатините на хотелот „Рома" се наоѓаат телата на 15 до 20 туристи.
Според последните податоци на властите, спасувачките екипи извадиле живи 215 лица од под урнатините. Во спасувачките работи се ангажирани над илјада полицајци, 1060 пожарникари, 400 војници, на кои им се придружија повеќе од 3.000 волонтери, пренесе ТАСС.
Шефот на националната служба за цивилна заштита Фабрицио Курчио изјави дека бројот на загинатите сега може да го надмине бројот на загинатите во земјотресот во градот Аквила во 2009 година, кога загинаа 309 луѓе.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори