Истражување: На кучето треба полека да му се говори
Сопствениците на кучиња треба полека да разговараат со својот миленик ако сакаат да се зближат со него, покажува ново истражување на Универзитетот на Женева, Швајцарија.
Истражувачите ги анализираа звуците што ги создаваат 30 животни. Потоа го испитувале говорот на 27 лица кои зборуваат пет јазици и 22 луѓе кои разговараат со кучиња. Научниците користеле и електроенцефалографија (ЕЕГ) за да ги испитаат реакциите на мозокот на говорот и кај луѓето и кај кучињата. Заклучоците велат: Разбирањето на кучињата на човечкиот говор зависи од бавното темпо, коешто помага човекот подобро да се поврзе со нив.
Унгарските истражувачи ја мереле и мозочната активност на кучињата со помош на магнетна резонанца и откриле сличности меѓу начинот на кој бебињата и кучињата го обработуваат говорот со претерани интонации, познат како „бебешки разговор”, објави списанието „Плос бајолоџи“ (Plos Biology).
Студијата покажува дека луѓето зборуваат многу побрзо од кучињата – со околу четири слога во секунда. Во исто време, овие животни лаат, ‘ржат или цимолат со брзина од околу две вокализации во секунда.
Кога зборуваат со кучиња, луѓето го успоруваат говорот на околу три слога во секунда, што укажува на одредена вродена свест за потребата да се зборува побавно со животните.
Стручниот напис истакнува: „Иако кучињата не можат да испуштаат артикулирани звуци, тие реагираат на говорот. Користејќи ги акустичните анализи на кучешките вокализации, покажуваме дека нивната основна стапка на создавање е побавна од онаа на луѓето и дека говорот од човекот кон домашното милениче треба да биде со средната стапка меѓу онаа на луѓето и на животните. Истражувањето за нервните и бихејвиоралните реакции на говорот открива дека разбирањето кај кучињата се заснова на побавен ритам на говор отколку кај луѓето.“
И претходни истражувања на научници од Унгарија посочуваат дека кучињата покажуваат поголема чувствителност на говорот насочен кон нив отколку на говор насочен кон други луѓе, особено ако говори жена.
Ново на Сител
-
Јавниот обвинител дава отчет пред пратениците за работата во 2023
-
Енергетиката и инфраструктурата во фокусот на средбата Мицкоски - Вучевиќ во Скопје
-
Мицкоски ќе испрати писмо со институциите на ЕУ, Филипче бара затворена собраниска седница
-
Блерим Беџет: Коалицијата на ДУИ е стабилна - Арбен Таравари: ДУИ треба да се адаптира и реформира
-
Истражување на ЕПИ: Надворешната политика е важна за граѓаните, но тие не се доволно информирани
-
ДСЗИ и стручна комисија го испитуваат случајот со смртта на 14 – месечното дете на Детската клиника
-
Државната статистика пресмета 2,6% инфлација во септември – најголемо е поскапувањето на зеленчукот
-
Mицкоски: Ваучер од 250 евра за комјутер или телефон за сите студенти