Истражување: 45 отсто од Грците имаат разбирање за сложено име со терминот Македонија
За 45 отсто од Грците е разбирлива перспективата за сложено име со вклучен термин Македонија, покажуваат резултатите од истражувањето спроведено од агенцијата „Прората“ за грчкиот Институт за алтернативни политики ЕНА, што ги објавува весникот „Етнос“.
На истото прашање, 23% од анкетираните рекле дека „перспективата за признавање на ПЈРМ со сложено име што ќе го содржи терминот Македонија им предизвикува бес за оние што прифаќаат такво нешто“, 14 отсто одговориле дека се срамат што се Грци, 13% се рамнодушни, додека пак пет проценти одбиле да одговорат.
Како што јави дописничката на МИА од Атина, во истражувањето, на анкетираните им се поставува прашањето и за тоа кои се непријателските земји за Грција. Број еден непријател, за 87 отсто од испитаниците е Турција, а 45 проценти сметаат дека Македонија е непријателска кон јужниот сосед.
На прашањето „кои од следните земји ги сметате за непријателски“, анкетираните имале можност да одберат позитивен или негативен одговор. Поконкретно:
- За Македонија, 45% одговориле да, 38% не
- За Албанија, 47% да, 37% не
- За Бугарија, 70% не, 10% да
- За Турција, 87% да, 7% не
Шеесет и девет проценти од анкетираните сметаат дека Македонија не претставува закана за територијалниот интегритет на Грција, наспроти 21 отсто што одговариле позитивно.
Во однос на тоа дали интеграцијата на Македонија, Албанија и Турција во ЕУ ќе ги подобри односите со Грција, за Скопје и Тирана, Грците имаат позитивен став, додека пак за Анкара одговараат негативно.
- За Македонија, 57% одговориле да, 35% не
- За Албанија, 56% да, 37% не
- За Турција, 27% да, 64% не
На прашањето, кој е најважниот проблем во грчката надворешна политика, 46 проценти рекле дека тоа е управувањето со турската позиција кон Грција, 34 отсто справувањето со бегалскиот бран на грчките острови, а само пет проценти од анкетираните сметаат дека најважниот проблем е управувањето со прашањето со името.
Ново на Сител
-
Собрани 43.149.360 денари за семејствата на настраданите и повредените, велат од Црвен крст
-
Орбан: Сите гледаат дека војната во Украина е изгубена, ставот на Унгарија може да стане мнозински
-
Меѓународниот балкански универзитет одржа комеморативна програма за жртвите во пожарот во Кочани
-
На албанско-црногорската граница уапсен македонски државјанин баран со меѓународна потерница
-
Се проверуваат битолските угостителски објекти
-
Финансиска полиција активно е вклучена во големата акција за проверка на работата на објектите
-
Таравари: Лекувањето на пациентите од пожарот во Кочани во другите држави е бесплатно
-
УНИЦЕФ: Најмалку 200 деца се убиени во Газа oткако Израел ја обнови војната оваа недела