Иран и Русија бараат од САД да го почитува нуклеарниот договор
Министрите за надворешни работи на Русија и Иран, Сергеј Лавров и Мухамед Џавад Зариф денеска соопштија дека двете држави остануваат посветени на договорот за иранската нуклеарна програма.
Ваквиот став на двајцата шефови на дипломатии доаѓа по зачестените најави на Вашингтон дека ќе се откаже од договорот, со кој Иран доби олеснување на санкциите, а за возврат се согласи да ја замрзне својата нуклеарна програма за петнаесетина години.
При денешната средба во Москва, Зариф ги обвини САД дека водат деструктивна политика кон Иран.
Лавров, пак, ги повика сите земји потписнички на договорот, вклучително и САД, да го почитуваат договореното.
Договорот беше потпишан од Администрацијата на поранешниот американски претседател Барак Обама, а Администрацијата на Трамп жестоко ги критикуваше отстапките кон Иран.
Зариф и Лавров дискутирале и за состојбата во Сирија, каде двете држави го поддржуваа сирискиот претседател Башар ел Асад во борбата против бунтовниците.
Двајцата министри не ги спомнаа антивладините протести во Иран.
По посетата на Русија, Зариф има предвидено средби со раководството на Европската унија во Брисел.
Ново на Сител
-
Протест на земјоделците во Брисел со барање за „силен“ буџет за земјоделството
-
Кубилиус: Историските спорови не треба да се решаваат со блокирање на кандидатите за членство во ЕУ
-
Фон дер Лајен: ЕУ ќе им овозможи на кандидатите за членство целосен пристап до средства од инструментот „Глобална Европа“
-
Лишена од слобода лекарка од Битола заради примање поткуп
-
Божиновска за ветерниот парк кај Штип: Силен сигнал за стабилни инвестиции и зелена транзиција
-
Медиуми: Франција и Италија одбиваат да купуваат американско оружје за Украина преку НАТО
-
ОЈО Битола постапува во случајот со примање поткуп во Болницата во Битола, повеќе детали се најавуваат за утре
-
Пожар од прскалка на роденденска забава во Свети Николе