ИФФК „Браќа Манаки“ поддржан од МЕДИА програмата со 46.000 евра
Интернационалниот фестивал на филмска камера „Браќа Манаки“ - Битола е еден од 30-те фестивали кои годинава доби поддршка од програмата МЕДИА на „Креативна Европа“, од вкупно 108 пријавени манифестации.
Со тоа, „Браќа Манаки“ е првиот филмски фестивал во Македонија кој добил средства од програмата МЕДИА на „Креативна Европа“, информира со допис до медиумите Димитар Николов, кој раководеше со последното издание на фестивалот во септември, а пред десетина беше разрешен од Собранието на Друштвото на филмски работници на Македонија кое усвои нов правилник на фестивалот.
- ИФФК „Браќа Манаки“ е поддржан од „Креативна Европа“ со 46.000 евра. Фестивалот е поддржан врз база на минатогодишното издание и на програмата на годинешното издание, кое проектира да се прикажат филмови во ист број програми како минатата година – Главна програма, Нов европски филм, Програма на филмови од Југоисточна Европа и Програма на кратки играни филмови, информира Николов.
Кон одлуката за поддршка на „Браќа Манаки“ е приложено и мислење од специјалистите од МЕДИА за фестивалот, што било доставено минатата недела.
- Станува збор за брзорастечки и силен фестивал, пример за понатамошно унапредување и научни програми. Има убедливи пропорции во однос на број на публика, број на прикажани филмови, едукативни настани, вмрежување, концепт и програмирање. Тоа е убедлив меѓународен настан во една мала земја, што е добар пример во однос на идејата за децентрализација на фестивалскиот живот во Европа, стои во миселњето.
Николов воедно посочува дека на последниот повик на „Креативна Европа“ во категоријата „Филмски фестивали“, „Браќа Манаки“ беше пријавен со планираната програма за 2016 година, со која беше пријавен и во Агенцијата за филм на РМ, а во апликацијата до МЕДИА е поднесен и датумот на одржување на фестивалот - од 10 до 17 септември 2016 година. Тој изразува и стравувања дека поддршката од програмата МЕДИА ќе биде загубена поради промената во програмата, што настана во меѓувреме со усвојувањето на новиот правилник за фестивалот.
Ново на Сител
-
Политичарите уживаат во мешана скара | Цветанка Арсоска и Весна Анчевска | Sitel Podcast 093
-
Од денеска со „Виз ер“ летови до Барселона и Лион
-
Најмалку седум загинати и 20 повредени во бомбардирање болница и аптека во Јужен Судан
-
Скопјанец ја убил сопругата, приведен на Табановце при обид за бегство
-
На граничните премини од македонска страна нема подолги задржувања за влез и излез од државата
-
Пpeд конклавата во Рим исполнети 90 отсто од сместувачките капацитети
-
Здравствената состојба на Вучиќ моментално е стабилна и задоволителна, тврди доктор Динчиќ
-
Николоски: За две и пол години од денеска ќе имаме автопат по сите прописи и стандарди