Идентификувани четири ретки смртоносни вируси во Турција
Група турски научници идентификуваа четири ретки вируси во Турција, што причинуваат хеморагична треска, слабост на бубрезите и слични симптоми и може да доведат до смрт, објави „Сабах“.
Тим научници од Катедрата по биологија при универзитетот „Булент Еџевит“, предводени од професорот Мехмет Али Јоктем од универзитетот „Докуз Ејљул“, спровеле испитување на неколку хантавируси, што се развиваат кај глодари и мали цицачи во Турција, при што се дефинирани четири конкретни подвидови, што можат да причинат заболувања и кај човекот.
Новооткриените ретки вируси се пренесуваат од глодач на човек. Имињата ги добиле по провинциите или градовите, каде што биле откриени: „Dobrava Hantavirus Igneada“, „Dobrava Hantavirus Giresun“, „Puumala Hantavirus Bartın“ и „Tuula Hantavirus Palandoken”.
– Оваа група смртоносни вируси е веќе позната во светот. Ние само ги идентификувавме овие подвидови откриени во Турција, нагласи професорот Јоктем.
За нив сѐ уште не е пронајден лек, но Јоктем истакнува дека „ако вирусот биде рано дијагностициран, пациентот може да остане жив со помош на терапија што би го одржала имунолошкиот систем”.
Ново на Сител
-
Излезноста до 11 часот за претседателски избори е 12,87% , за парламентарни 13,69
-
На ГП Ќафасан спречен шверц на 53,3 килограми марихуана, чија крајна дестинација била Македонија
-
На набљудувач му ги дупнале гумите на автомобилот во Радуша
-
Се гласа во сите избирачки места во Тетово, на две места со употреба на УВ-ламба и отпечаток од прст
-
Во Прилеп до 9 часот гласале 6,69 за претседателските, а 6,52 за парламентарните
-
Кавадарци со 6.22 отсто излезност до девет часот, Росоман со 5.4 проценти
-
Во Демир Капија 10,42 отсто излезност до девет часот
-
Во Велес до 9 часот гласале 6,36 проценти за претседател и 6,29 проценти за пратеници