И Македонец меѓу жртвите на нападот во Виена
Меѓу жртвите во терористичкиот напад во центарот на Виена, што се случи во понеделникот вечерта, се и двајца странски државјани – Македонец и Германка, информира австриската полиција.
Според полицијата, жртвите на нападот се 39-годишен Австриец, 44-годишна Австријка, 21-годишен Македонец и 24-годишен Германец.
Македонецот бил случаен минувач, кој е убиен додека се движел по улиците на Бермудскиот Триаголник, дел од центарот на Виена познат по своите бројни кафулиња, пабови и барови, а Германката, која била келнерка, е убиена пред барот во кој работела.
Што се однесува до жртвите со австриско државјанство, 39-годишниот маж бил убиен пред ресторан за брза храна на Шведенплац, а 44-годишната жена во болница им подлегна на повредите здобиени при нападот.
Напаѓачот, идентификуван како Кујтим Фејзулај, роден во Австрија, но по потекло од Македонија, беше ликвидиран од полицијата, откако преходно на улиците во центарот на Виена уби четири лица и им нанесе повреди на уште 23 други, на возраст од 21 до 43 години. Од таа бројка, 13 се здобиле со повреди од куршуми, а остантите се повредени при бегството од напаѓачот.
Повеќето повредени се Австријци, но меѓу нив има и државјани на Германија, Словачка, Луксембург, Авганистан и Босна и Херцеговина.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар