Хоџај: Спогодбата со Србија е можна за две години

Заменикот косовски премиер Енвер Хоџај изјави дека дијалогот Белград - Приштина треба да влезе во завршна фаза и да обезбеди целосна нормализација на односите. Тоа, според него, би можело да се случи за две години.

Хоџај, на конференцијата за Балканот во организација на Атлантскиот совет, вчера рекол дека за таков договор потребна е поддршка од меѓународната заедница, особено од САД и од ЕУ.

Тој оцени дека внатрешниот дијалог за Косово, инициран од српскиот претседател Александар Вучиќ, „создава ист наратив каков што е користен во време на Милошевиќ“.

Хоџај смета дека кампањата на Србија против Косово влијае на процесот на дијалогот.