Хаваи ги тестираат сирените за нуклеарен напад
Првпат по завршувањето на Студената војна, Хаваи ќе ги тестираат сирените чија цел е да ги предупредат граѓаните на напад со нуклеарни ракети, соопшти хавајската Агенција за итни интервенции.
Тестирањето на сирените ќе се спроведе во рамки на месечното тестирање на системот за предупредување, јави Си-Ен-Ен.
Првиот работен ден од секој месец, сигналот на предупредување ќе се чуе од звучниците во траење од 50 секунди, по што следува пауза од 10 секунди, а потоа сигнал за „предупредување од напад“ за 50 секунди.
Брзото предупредување е клучно за хавајските острови, кои се наоѓаат на околу 7.400 километри од Северна Кореја, а земјата ќе има само 20 минути да се подготви за нападот.
- Пацифичката команда има само пет минути да го окарактеризира лансирањето на ракетата и во кој правец таа лета, што значи дека граѓаните имаат околу 15 минути да пронајдат засолниште, изјави администраторот на Агенцијата Верн Мијаги.
Американската војска на Хаваи има поморски и авио бази, а командата на американската Пацифичка војска има седиште на хавајскиот остров Оахо.
Ново на Сител
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени
-
МВР: Постојат основи на сомневање за можниот сторител на убиството во Тетово
-
На Табановце за влез и за излез во земјата се чека половина час
-
Побарани обдукција и снимки од видеонадзор за убиството во Тетово
-
Сончево и топло со мала локална облачност
-
Поскапуваат патарините во Србија
-
Возило со 12 кг марихуана од Македонија влегло во Србија