Гутереш: Поделениот свет не успеа да одговори на пандемијата
Поделениот свет не успеа да одговори на предизвикот за борба против пандемијата на Ковид-19, изјави генералниот секретар на ОН Антонио Гутереш и укажа дека е потребна конкретна акција за да се спречат милиони лица да се соочат со сиромаштија и глад.
Гутереш рече дека можеше да се постигне многу повеќе ако земјите беа обединети во борбата против пандемијата.
– Пандемијата на Ковид-19 е најголемиот глобален предизвик за целата меѓународна заедница, за мултилатерализмот и за мене, како генерален секретар на ОН, изјави Гутереш за португалската новинска агенција Луса.
Пандемијата е тест кој меѓународната заедница, засега, не успева да го помине, додаде тој.
Генералниот секретар на ОН предупреди дека, доколку не се преземат координирани мерки, коронавирусот може да турне милиони луѓе во сиромаштија и глад, со катастрофални економски последици во следните години.
Гутереш исто така ја критикуваше меѓународната заедница за недостигот на единство во обидот да се справи со другите глобални предизвици, како што се конфликтите во Авганистан, Јемен и Сирија.
Коронавирусот досега е потврден во над 210 земји и територии во светот. Од почетокот на пандемијата заразени се над 39,6 милиони луѓе, а повеќе од 1,1 милион починале.
Ново на Сител
-
Малолетничка пријавила дека доктор ја допирал по телото на клиниката „Мајка Тереза“
-
Папата Лав Четиринаесетти ги повика светските сили да ги прекинат сите војни
-
Мицкоски: Следната недела ќе имаме завршна средба со Таравари, Владата е стабилна и фокусирана на проекти
-
Вандали ја саботирале електричната инсталација во штипската модуларна болница
-
Основната плата во државата не може да биде пониска од минималната плата – Независниот синдикат на полицијата утре излегува на протест
-
Трипуновски: Излегуваме во пресрет на земјоделците, ќе ја направиме проценката за да се обноват површините зафатени од невремето
-
Во Скопје синоќа 92 сообраќајни прекршоци, 50 санкционирани возачи на мотоцикл
-
Најмалку 104 лица го загубија животот, а 28 се повредени во поплави во источниот дел на ДР Конго