Gulf Oil донираше нафта во вредност од 1.200.000 денари за Бигорскиот манастир, „Св. Јован Крстител“, и за женскиот манастир „Рајчица“
Нафтената компанија Gulf Oil донираше нафта во вредност од 1.200.000 денари за потребите на Бигорскиот манастир, „Св. Јован Крстител“, и за женскиот манастир „Рајчица“.
Компанијата, која е присутна на македонскиот пазар од 2017 година, преку стратешкото партнерство со „Супертрејд“, за оваа донација вели дека е само продолжување на корпоративната политика за општествена одговорност на компанијата.
„Среќни сме што преку нашето работење можеме да помагаме во заедницата на различни начини и да ја покажеме нашата грижа и вклученост во градењето еднакви можности за сите. Со оваа донација се погриживме сите оние кои бараат прибежиште во овие манастири да имаат нормални услови за живот и подготвено и топло да ја дочекаат зимата, која знае да биде доста сурова, особено во овој регион. Нашата компанија и во наредниот период, како и досега, ќе продолжи да помага и да создава можности онаму каде што тие се најпотребни“ – изјави Владимир Стајиќ, генералниот менаџер на Gulf Oil во Македонија.
Донацијата во нафта е во вредност од повеќе од 1.200.000 денари и е за потребите на Бигорскиот манастир и за манастирот „Рајчица“ за нормално функционирање во текот на целата зима.
Ново на Сител
-
Пронајдено лице пријавено за изгубено во Парк - шумата Водно
-
Претрес во Мала Речица, пронајдена дрога
-
ЦУК: Три пожари на отворено, апел за внимателност поради наглите метеоролошки нестабилности
-
Уставниот суд ќе ја одржи 15. седница
-
Арсенал се надева дека Жоргињо ќе го продолжи договорот
-
„Данас“/Соговорници: Вучиќ покажува дека ја презира работничката класа
-
Земјотрес од четири степени во поширокото подрачје на Лос Анџелес
-
Русија достави резолуција до ОН за забрана на оружјето во вселената