„Гугл“ ја засили борбата против злонамерни мрежни следачи
„Гугл“ има две нови надградби поврзани со функцијата за предупредување од злонамерни мрежни следачи, коишто треба да го олеснат откривањето за корисниците на уреди со „Андроид“ (Android).
Безбедносната новост првично воведена во јули 2023 година автоматски испраќа известувања до корисникот доколку со него „патува“ несаканиот „Блутут“ следач. Така, првата надградба за широка употреба им овозможува на корисниците на паметни телефони – привремено да престане испраќањето локација, до мрежата „Find My Device“ за наоѓање на уредот, доколку се открие непознат мрежен следач. „Гугл“ потоа ќе ја паузира оваа функција 24 часа.
Исто така, секој што ќе добие предупредување за непознат следач, ќе може да го открие со функцијата „Блиско пребарување“ (Find Nearby). Откако ќе го најде, „Гугл“ нуди инструкции за физичко оневозможување на ознаката.
„Блутут“ следењето изминатве години сѐ почесто се злоупотребува. Наводите говорат и дека едно следење на „Ер-таг“ можеби довело до неколку убиства. Како одговор, „Епл“ и „Гугл“ ја засилија борбата против мрежното следење. Во таа насока е и новата спецификација „Детектирање несакани мрежни следачи“ (Detecting Unwanted Location Trackers), којашто е поврзана со „ИОС“ и „Андроид“.
Ново на Сител
-
Подготовките за локалните избори во полн ек – Таравари на излезна врата
-
И Димитриевски и СДСМ ги повикаа истражните органи да утврдат дали има корупциски скандал во Куманово
-
Предлог-закон на СДСМ за помош на настраданите од Кочани, од ВМРО-ДПМНЕ нема да го поддржат - имаат свој план за помош
-
Истрагата за пожарот во Кочани во полн ек, родителите обвинуваат за масовно убиство
-
Кој треба да истражува дали има фиктивна вакцинација на деца со лажни потврди?
-
Медицинска опрема вредна 13 милиони евра не се користи и скапува во подруми утврди ДЗР
-
Засега ќе нема нови мерки за цените – хигиенските производи во дел од маркетите поскапеа за над 50%
-
Отворена новата градинка „ Пролет“ во општина Центар