Груевски: Подготвени сме за победа на изборите
Подготвени сме за силна и голема победа која што ќе обезбеди стабилност на Република Македонија, економски просперитет на граѓаните независно од нивната етничка или верска провениенција и победа која што ќе обезбеди државата да излезе од оваа криза во која што ја донесе опозицијата.
Тоа го изјави претседателот на ВМРО-ДПМНЕ Никола Груевски по денешната средба со лидерите на политичките партии од коалицијата „За подобра Македонија“.
На средбата, како што истакна, се разменети информации и гледишта околу партиската подготовка за претстојните парламентарни избори закажани за 11 декември годинава.
Партијата и коалицијата, посочи Груевски, се подготвени за победа која што ќе овозможи државата да застане цврсто и стабилно и да продолжи по патот на економскиот просперитет, зачленувањето во НАТО и ЕУ и по сите други стратешки приоритети кои ги имаат зацртано.
- Како партија и како коалиција сме подготвени во секој поглед. Програмата веќе ја затвораме, последните работи се прават, деновиве и таа ќе се затвори. На терен сме максимално присутни во комуникација со граѓаните и сите оние други работи коишто се потребни за една изборна кампања ги подготвуваме и се во динамика што ги исполнува сите рокови, изјави Груевски.
На претстојните избори, потенцираше Груевски, граѓаните дефинитивно ќе имаат можност да изберат помеѓу нас коишто работиме, испорачуваме резултати и ветување, градиме, создаваме дела, правиме реформи и го подобруваме животот во секој поглед, и оние коишто знаат и се најдобри, како што рече, „во сплеткарошење, манипулации, правење разни интриги и чија што главна платформа е деструкцијата“.
-Народот ќе има добар избор, па нека избере, изјави претседателот на ВМРО-ДПМНЕ Никола Груевски.
Ново на Сител
-
Приведен жител на Чегране баран со потерница
-
Стабилно време со студени утра и во наредните денови
-
Приведен дилер во Скопје
-
ЦУК: Вкупно 1.568 повици на 112, 61.29 отсто од нив категоризирани како реални
-
Ден на Македонската револуционерна борба , 23 Октомври, неработен за сите граѓани
-
Харис: Трамп ја згрозува функцијата американски претседател
-
Во САД почина дисидентот Фетулах Ѓулен, кој во Анкара беше обвинет за неуспешниот пуч од 2016 година
-
Неделен извештај: Водата за пиење во Скопје ги исполнува барањата за безбедност и квалитет