Градоначалниците на Берово и Пехчево ги посетија дежурните институции за новогодишната ноќ
Градоначалниците на Берово и Пехчево ја реализираа традиционалната новогодишна посета на дежурните институции за новогодишната ноќ. По тој повод беровскиот градоначалник Звонко Пекевски ги посети Итната медицинска служба, полициските службеници од ОВР- Берово, пожарникарите во ТППЕ Берово, вработените во ОЈУСЗСЛ ,,др.Иван Влашки”, дежурната служба на филтер и пречистителната станица и службата за обезбедување во општинската зграда.
-Посетата ја искористивме, за да поразговараме за предизвиците кои ја обележаа 2021 година и за условите за работа. Службите добија пригодни подароци во знак на благодарност за нивниот посебен ангажман на новогодишната ноќ. На сите им посакав да имаат мирна новогодишна ноќ, а Новата година да им донесе лична и семејна среќна, многу здравје и професионални успеси, истакна Пекевски
Во Пехчево на почетокот од Новата година градоначалникот Александар Китански, направи обиколка и беше во посета на Полициската станица и службата за Итната медицинска помош. Подарувајќи им пригодни подароци од името на општина Пехчево, им посака мирна работна ноќ и многу здравје, успех, благосостојба, лична и семејна среќа, кажа Китански, најавувајки дека локалната самоуправа ќе направи максимални напори да им овозможи подобри услови за работа на овие служби.
Дежурните полицајци информираа дека ноќта поминала мирно, без нарушувања на мирот и безбедноста, а мирна ноќ без многу интервенции имале и дежурните екипи од службата за Итна медицинска помош во Пехчево.
Ново на Сител
-
Лавров: Блискиот исток е на работ на голема регионална војна
-
Кина продолжува да ги намалува ограничувањата за странски инвестиции
-
Фон дер Лајен: Трансформациите треба да бидат фер и да обезбедат просперитет за сите во Европа
-
ДЗС располага само со еден функционален „Ер трактор“, но моментално нема потреба од дополнителни летала
-
Лишени од слобода деветмина дрвокрадци, поднесена кривична пријава
-
Се шетал со полн пиштол и уште 61 куршуми - Уапсен 19 годишник
-
СВР Скопје со засилени мерки за безбеден град Скопје
-
ВМРО-ДПМНЕ: Антикорупциска и ЈО да испитаат зошто Филипче како министер криел имот што го поседува