Голема воена парада во Кина по повод 70-годишнината од победата на револуцијата
Кина на 1 октомври ќе организира голема воена парада во Пекинг по повод 70-годишнината од победата на револуцијата и формирањето на Народна Република Кина, што се смета за демонстрација на сила во моментот кога постои закана од интервенција во Хонг Конг, каде повеќе од два месеца траат антивладини протести.
Кина традиционално организира парада секои десет години, на годишнината од влегувањето на комунистичките трупи во Пекинг во 1949 година и прогласувањето на Народната република на плоштадот Тинамен од страна на Мао.
– Воената парада ова година ќе биде поголема од тие што беа организирани за 50 и 60-годишнината и од парадата со која беа одбележани 70 години од завршувањето на Втора светска војна, изјави денеска генерал Каи Зидјун.
Предвидено е и кинескиот претседател Си Џинпинг да одржи говор.
Кинеската Народно-ослободителна армија, со околу два милиони припадници, ќе го покаже новото вооружување, што во целост е произведено во Кина.
Генералот Каи посочи дека на парадата не треба да се гледа како на порака упатена на која било држава.
Ново на Сител
-
Тема на денот со Борче Давитковски, универзитетски професор
-
Претседателката на албанското собрание во Скопје - средби со Гаши, Ахмети и Филипче
-
ВМРО-ДПМНЕ ќе го деблокира Законот за бранителите
-
Прва средба Муцунски и Герапретритис – Силјановска Давкова од Самитот на ООН бара реформи во организацијата
-
Микродржава по теркот на Ватикан ќе формира албанскиот претседател Еди Рама
-
Од утре се замрзнуваат маржите на основните прехранбени производи
-
СОНК бара зголемување на платите веднаш, во спротивно излегуваат на улица
-
Боди камери за искоренување на корупцијата кај царинските службеници