Ѓоковиќ: Го играв најлошиот тенис на УС Опен, без енергија, понекогаш се чувствував како аматер
Се очекуваше Новак Ѓоковиќ по златото на Олимписките игри во Париз, а пред се поради маестралниот настап во финалето против Карлос Алкараз, сигурно да ја заврши сезоната со трофеј од Гренд слем турнирот УС Опен во свои раце.
Но, од првиот натпревар на турнирот Флешинг Медоус, Новак Ѓоковиќ не личеше на себе. Затоа во третото коло беше елиминиран од Алексеј Попирин и сезоната ја завршува без Гренд слем.
-Честитки за Попирин и неговиот тим. Тој одигра подобро и заслужи да победи. Искрено, со оглед на тоа како се чувствував и играв од почетокот на турнирот… третото коло е успех. Играв еден од најлошите тенис во мојот живот. Сервисот ми беше убедливо најлош… На ваква брза подлога, не можеш да победиш против момци кои се во форма како Алексеј, искрен беше Новак.
Олимпискиот турнир сепак оставил трага врз неговата игра.
-Не се чувствував свеж ментално или психолошки. Тоа е друга површина. Дефинитивно имаше одредено влијание. Потрошив многу енергија во освојувањето на златото. Не пристигнав во Њујорк свеж ментално и психолошки. Бидејќи тоа е УС Опен, немав физички проблеми, само се чувствував како да немам гориво, истакна Србинот.
Последен пат Ѓоковиќ беше елиминиран во рана етапа на Гренд слем од Истомин во 2017 година во Мелбурн (второ коло).
-Сега имам горчлив вкус во устата поради поразот. Имав многу повеќе победи отколку порази на сите турнири, морам да ја повлечам линијата и да ја погледнам пошироката слика, но сега е тешко да се направи тоа. Лут сум и вознемирен поради поразот, но утре е нов ден, додаде еден од најдобрите во историјата на тенисот.
Сезоната завршува без Гренд слем за српскиот тенисер, а интересно, за прв пат по 2002 година, се случува Новак Ѓоковиќ, Роџер Федерер или Рафаел Надал да не освојат Гренд слем турнир во една сезона.
Ново на Сител
-
Адеми: Недозволиво е да се носат законски измени по примерот на Кривичен, без да се консултира судската фела
-
Работен ручек на Фон дер Лајен со лидерите од Западниот Балкан
-
Кривична пријава против осум лица и три компании поради смртоносната сообраќајка во која загинаа татко и син
-
Следните два дена променливо облачно време, викендот сончево со пораст на температурата
-
Мицкоски за посетата на Брисел: Подготвивме најквалитетен документ за Планот за раст, ќе ги одбраниме и националните интереси
-
Претрес во Куманово, приведено едно лице
-
Дурмиши: Цените нема да се замрзнат, маржата ќе се ограничи до 10 отсто
-
Постигнат договор за есенската потрошувачка кошница, ќе се разгледа на следната владина седница