Ѓер прв финалист во женската ракометна Лига на шампиони

 

Унгарскиот првак го победи актуелниот европски шампион Будуќност со 21:20 во првиот полуфинален меч на завршниот Фајнал-фор турнир што се одржува во Будимпешта.

 

Во првото полувреме угранската екипа имаше повеќе од играта па на поауза заминаа со три гола предност. Во воведните три минути од вториот дел Будуќност направи серија од 4:0, и дојде до водство од 12:11. 

 

Во продолжение на мечот цврстата одбрана беше главна карактеристика на играта на двете екипи, но во нападот попрецизни беа домашните ракометарки, па преводени од триото, Грот, Аморин и Локе кои постигнаа по 4 гола, на крајот сосема заслужено се радуваа на победата со конечни 21:20.  

 

Сега ракометарките на Ѓер ќе го очекуваат исходот од вториот полуфинален меч во кој македонскиот шампион ЖРК Вардар за противник ќе ја има романската екипа Букурешт, во дуелот кој ќе започне од 17 часот и 45 минути.