Германските синдикати најавија штрајк во јавниот превоз низ целата земја
Двата главни германски синдикати, ЕВГ и Верди, денеска најавија штрајк што ќе влијае на јавниот превоз низ целата земја, што ќе ги вклучува меѓуградските и локалните возови, како и автопатите и аеродромите.
Двата синдиката за понеделник најавија таканаречена заедничка индустриска акција, што доаѓа по бројните претходни штрајкови во претходните месеци кои ги погодија сите делови на германската економија.
„Ќе има сериозни доцнења, па дури и прекин на транспортните услуги во сите опфатени области низ земјата“, се наведува во соопштението на синдикатите.
Синдикатот Верди ги повика своите членови во седум германски провинции да ги напуштат аеродромите и нивните работни места во локалниот јавен превоз.
Штрајкот има за цел да го зголеми притисокот врз владата и локалните власти пред третиот круг преговори, што почнува во понеделник.
Синдикатот Верди бара зголемување на платите за 10,5 отсто и најмалку 500 евра месечно повеќе за вработените во јавниот сектор.
Пред два дена, лекарите од јавните болници стапија во штрајк во осум германски сојузни покраини за да го зголемат притисокот за време на преговорите за колективните договори, додека денеска треба да се одржи предупредувачки штрајк во другите сојузни покраини.
Здружението на лекарите „Марбургшка унија“ што опфаќа околу 50.000 лекари во државните клиники во Германија бара прилагодување на платите на стапката на инфлација од 10 отсто и дополнително зголемување од 2,5 отсто.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување