Герасимовски: Нов концепт и локација на читалната „Ацо Шопов“
Градоначалникот на Општина Центар, Горан Герасимовски, ја отвори читалната што го носи името на доајенот на македонскиот книжевен збор Ацо Шопов.
Во чест на 100-годишнината од неговото раѓање, ученици од општинските основни училишта „Ј.Х.Песталоци“ и „Киро Глигоров“ ги потсетија присутните гости на делови од творештвото на Ацо Шопов, со кое во текот на образовниот процес се сретнале и ќе се сретнуваат многу генерации.
„Културата и уметноста се најважни начини да ги покажеме убавините и богатствата на нашата земја. Општина Центар ја поддржува културата и во континуитет реализира проекти што би ги поттикнале читачките навики особено кај младата популација. Оваа читалница нека биде свратилиште на сите љубители на книжевноста, нека биде катче што може да ги разбуди имагинацијата и креативноста во пишувањето, нека биде алтернативен образовен простор во кој сите ќе се чувствуваат слободни да истражуваат и создаваат“, рече Герасимовски и истакна дека ќе продолжи со реализација на активностите за соодветно вреднување на културата што е дел од неговата заложба како градоначалник.
Во новите простории на читалната во сутеренот на ТЦ „Беверли Хилс“ добредојдени се сите граѓани, каде што ќе имаат можност да го користат нејзиниот книжевен фонд што вклучува повеќе од 2 000 книги од сите жанрови. Членството е бесплатно, а просторот без никаков надоместок е достапен за организирање литературни дружења, креативни средби и едукативни работилници.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето