Генерален штрајк во Грција
Владејачката партија Сириза ги повика сите Грци да учествуваат во генералниот 24-часовен штрајк против политиката на штедење што самата ја спроведува, јави дописникот на МИА од Атина.
Секторот на партијата задолжен за работничките прашања, издаде соопштение „против екстремните неолиберални политики“ и истакна дека борбата ќе продолжи уште подинамично и оти ќе се бара Владата повторно да преговара со доверителите, овој пат за договор во кој повеќе акцент ќе биде ставен на прашања поврзани со работничките права.
Во соопштението се апелира до вработените, пензионерите и младите да учествуваат масовно на денешниот генерален штрајк што го организираат синдикатите.
Двата најголеми синдикати во Грција денеска организираат штрајк против мерките за штедење и контроверзните реформи на кои Атина се согласи да со цел да добие финансиска помош од меѓународните кредитори. Повикот на најголемите синдикати за 24-часовен штрајк го поддржаа и неколку помали синдикални организации.
Денеска се затворени сите владини институции, болниците работат со неопходен персонал, јавниот превоз е сведен на минимум, а метрото и железничкиот сообраќај во Атина воопшто не работат.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори