Генчовска: Со наша поддршка, граѓаните на Македонија ќе стигнат во членството на ЕУ
Бугарија е земјата која најсилно ја поддржува европската интеграција на Република Северна Македонија и Албанија. Оттука па натаму им посакуваме успех на патот по кој долго време сакаа да тргнат. Се надевам дека со заеднички напори и наша поддршка, тие ќе стигнат таму каде што граѓаните на РСМ најмногу сакаат да стигнат, а тоа е членството во ЕУ, рече денеска министерката за надворешни работи на Бугарија Теодора Генчовска по потпишувањето на билатералниот протокол на чл. 12 од Договорот за добрососедство и пријателство.
Документот, пишува БНТ, ќе биде дел од преговарачката рамка на Скопје за членство во ЕУ и содржи мерки за наставните програми за историја, говор на омраза и култура. Генчовска по потпишувањето истакна дека на состанокот на меѓувладината комисија утринава е забележан напредок во сите пет секторски групи.
Македонскиот министер за надворешни работи Бујар Османи, истакна дека од денеска односите меѓу двете земји одат на ново ниво.
– За нас е историска можност што по 17 години кандидатски статус, Република Северна Македонија од утре може да ги започне преговорите со ЕУ и да ја започне последната фаза од нашиот пристап во ЕУ. Очекуваме поддршка од Бугарија, бидејќи ова е во наш интерес, освен на граѓаните на Северна Македонија, Бугарија е заинтересирана и за приклучување кон Западен Балкан – додаде Османи.
Потпишувањето на протоколот овозможува во вторник во Брисел Македонија да ја почне првата фаза од отварањето на преговорите за членство со ЕУ, откако вчера со 68 гласа „за“, Собранието ѝ даде зелено светло на Владата да го усвои т.н. „Француски предлог“.
Ново на Сител
-
Мицкоски: Исправени пред нова борба, еднакво значајна како создавањето на татковината
-
Локалните власти прогласија вонредна состојба поради пожарите кај Сребреница
-
Почна свечената академија по повод Денот на независноста - 8 Септември
-
Либија: Уапсен командант на милиција по убиството на криумчар на луѓе
-
Приведен криминалец баран со потерница за казна затвор од три години
-
Тројца Израелци убиени во вооружен напад на граничен премин меѓу Израел и Јордан
-
ИДФ: Повеќе од 50 ракети истрелани од Либан врз северниот дел на Израел
-
АХВ казни нерегистрирани производители на сирење во Прилеп и Скопје