Франција во Уставот го воведува правото на абортус
Франција се подготвува да стане првата земја во светот што ќе го вклучи правото на абортус во својот устав, објави денеска Би-Би-Си.
Претставници на Долниот дом и Сенатот на францускиот Парламент утре ќе се сретнат на специјална седница во Версај, со која ќе претседава претседателот Емануел Макрон.
Ако владиниот предлог биде изгласан со три петинско мнозинство, како што се очекува, тогаш во Уставот од 1958 година ќе се внесе „загарантираната слобода“ на жените да абортираат.
Тоа ќе биде 25-ти амандман на францускиот устав и прв од 2008 година.
Поттикнати од укинувањето на федералната заштита на правото на абортус во САД пред две години, поддржувачите на правото на абортус силно ја поддржуваат уставната ревизија, која тие ја гледаат како гаранција дека истото нема да се случи и во Франција.
Анкетите покажуваат дека околу 85 отсто од француската јавност ја поддржува реформата.
Правото на абортус во Франција беше законски уредено од 1975 година.
Ново на Сител
-
Студентите бараат дигитализација во јавните универзитети
-
Наместо оброк, Министеството за одбрана ќе им исплаќа надомест за храна на војниците
-
РЕК Битола не работи – трите блока надвор од мрежа
-
По ДСЗИ, од вчера случајот со смртта на 14 месечното бебе го истражува стручната комисија
-
Мајката и малолетната ќерка во тетовско Слатино починале од труење
-
Филипче: Мицкоски има обврски да информира за ЕУ во Собранието
-
Филков: Правосудниот систем мора да се реформира, дебатите стартуваат следниот месец
-
ДКСК: Синот на Мицкоски во САД бил на своја сметка, не е прекршен законот