Франција најави одговор на двонеделниот карантин на Велика Британија
Француските власти изразија жалење поради одлуката на Велика Британија да воведе задолжителен двонеделен карантин за секој кој ќе пристигне од странство, вклучително и од континентална Европа.
Француското Министерство за внатрешни работи соопшти дека ќе одговори со реципрочни мерки.
Британскиот министер за внатрешни работи Прити Пател вчера соопшти за задолжителниот 14-дневен карантин, појаснувајќи дека целта е спречување на ширењето на новиот корронавирус.
Секој што доаѓа од странство, вклучително и британски државјани, ќе мора да биде во изолација 14 дена и ќе мора да наведат каде ќе бидат за тоа временски период.
– Сега, откако го поминавме пикот на инфекцијата, мора да преземеме чекори за да се заштитиме од увезени случаи што би предизвикало повторно појавување на оваа смртоносна болест, рече Пател на прес-конференција.
За непочитување на таа наредба, следува казна од 1.000 фунти/. Карантин нема да биде задолжителен за оние од Република Ирска, возачи на камиони, медицински работници и сезонски работници во земјоделието. Мерката ќе се преиспитува на секои три недели.
Ново на Сител
-
Папата им го честиташе Велигден на православните христијани
-
Скопјанец измамен во менувачница од двајца странски државјани
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место