Филипче: Само со масовна вакцинација ќе ја победиме пандемијата

Прашање на време е кога индискиот сој на вирусот ќе стане доминантен во Европа, затоа е важно што поголем број граѓани да се вакцинираат во овој период на стабилна епидемиолошка состојба, напиша министерот за здравство Венко Филипче на својот Фејсбук профил.

Тој истакнува дека само масовна вакцинација е единствениот начин да се победи пандемијата.

-Вакцини има во доволна количина и сите се безбедни и ефикасни. Последните информации кои пристигнуваат од Европската агенција за лекови се дека вакцините се ефикасни и за новите соеви што ни влева многу надеж. Само заеднички може да се заштитиме и да амортизираме евентуален нов бран наесен, напиша Филипче на ФБ