Филхармонија со „Петре и волкот“ во Гевгелија и во Струга
Македонската филхармонија денеска ќе гостува во Гевгелија каде под диригентската палка на Борјан Цанев ќе се претстави со синфониски концерт за најмладите.
Оркестарот ќе настапи во Домот на културата „Македонија“ каде ќе ја изведе „Петре и волкот“, едно од најпознатите дела на рускиот композитор Сергеј Прокофјев.
Свитата е напишана за наратор и оркестар, чии поединечни инструменти или групи на инструменти ги претставуваат ликовите во приказната. Наратор ќе биде актерот Мартин Јорданоски, кој ќе ги води децата низ авантурите на Петре.
„Петре и волкот“ ќе биде изведена и во петок во Домот на културата „Браќа Миладиновци“ во Струга.
- Гостувањето на Македонската филхармонија во Гевгелија и во Струга е дел од мисијата на нашата институција да влијае врз музичката едукација на младите и во другите градови во Македонија. Оваа практика ја почнавме одамна и ја продолжуваме и годинава, и освен забавна и уметничка, ваквите концерти имаат и образовна цел. Децата се среќни, доаѓаат на нашите концерти и тоа за нив претставува нешто ново, нешто интересно, а во истовреме и многу поучно, вели Маја Чанаќевиќ, директорка на Македонската филхармонија.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка