ФИФА: Македонија дури 132-ра во светот

Светската фудбалска федерација (ФИФА) ја објави најновата ранг листа на националните тимови, на која македонската репрезентација бележи пад од 28 позиции и се наоѓа на 132-то место. Поразите од Луксембург и Шпанија во квалификациите придонесоа Македонија да го има еден од најлошите пласмани во последните две децении.

 

Пред Македонија на листата се наоѓаат ‘фудбалски дивови’: Кенија, Палестина, Северна Кореја, Кувајт, Мадагаскар, Централно Африканска Република, Намибија, Бахреин, Сирија, Сент Винсент и Гренадин, Сиера Леоне, Нигер...

 

Од противниците на Македонија во кавлификациската група најдобро котира Шпанија која се врати меѓу најдобрите десет во светот. Шпанците ‘скокнаа’ за пет позиции и сега се наоѓаат на шестото место на ФИФА листата, а потоа следуваат Словачка (18), Украина (23), Белорусија (98) и Луксембург (142).

 

Меѓу првите десет се наоѓаат Аргентина, Германија, Белгија, Португалија, Колумбија, Шпанија, Бразил, Велс, Чиле, Англија.