ФХ3Х во филмот „Вонземјанин:Завет“ на Ридли Скот
Македонската компанија за анимација и визуелни ефекти ФХ3Х учествуваше во визуелните ефекти на филмот „Вонземјанин: Завет“, продолжение на филмот „Прометеј“ од 2012 година, кој од четврток ќе почне да се прикажува во Скопје.
Станува збор за новиот проект на режисерот Ридли Скот, работен според сценарио на Џон Логан и Данте Харпер.
Кристијан Даниловски, ко-сопственик и еден од основачите на ФХ3Х изјави дека на филмот работел тим од околу 110 артисти во периодот од ноември минатата до јануари оваа година.
- Фановите на жанрот научна фантастика со особено нетрпение го исчекуваат овој филм, како што се исчекува и секој нов проект на Ридли Скот. Освен што е продолжение на филмот „Прометеј“ од 2012 година, ова е шести дел од филмскиот серијал „Вонземјанин“. Верувам дека во четврток сите ќе уживаме, изјави Даниловски.
Носители на главните улоги се Мајкл Фасбендер, Кетрин Ватерсон, Били Крадап, Дени Мекбрајд и Демиан Бишир, кои на вселенскиот брод наречен „Завет„ се упатуваат кон планетата Ориџ 6, со намера да ја колонизираат со 2000 патници на бродот и преку 1.400 ембриони. Но, неутронски шок бран го оштетува бродот и додека екипажот се обидува да го поправи, добиваат сигнал на емитувана порака од Елизабет Шо, како последица на катастрофалната мисија „Прометеј“. Наспроти отпорот на дел од екипажот, сепак се донесува одлука да се истражи потеклото на сигналот од блиската навидум ненаселена планета.
Премиерата на „Вонземјанин: Завет“ е в четврток во киното „Синеплекс“ во 20 часот.
Ново на Сител
-
ЦУК: Пожар од поголеми размери избувна кај Октиси, авион на ДЗС на пат кон локацијата
-
Полицаец во Кичево физички нападнал повикано лице во полициска станица
-
21-годишна албанка излетала од патот со автомобил близу Битола, тешко повредени сопатниците
-
Кипар под црвен метео аларм: Температури до 45 степени, забрана за работа на отворено
-
Тешко повреден параглајдерист во Крушево се пренесува со полициски хеликоптер во Скопје
-
Кривична против 14-годишник од Куманово, извршил шест тешки кражби во приватни имоти
-
Жена од Гостивар физички го нападнала своето 4-годишно дете
-
Дмитриев: За постигнување мир во светот мораме да ги исправие грешките на Бајден