Фестивал на различностите во Струга
По повод Денот на независноста – 8 Септември денеска во центарот за култура „Браќа Миладиновци“ во Струга ќе се одржи Фестивал на различностите, а ќе биде отворена и изложба со фотографии од Струга некогаш и денес.
Настаните се дел од проектот „Декада на припадност – славење на различностите“ финансиран од Европската Унија, а ги организираат здруженијата за локален развој „Мбела“ од Струга, „Деборус“ од Дебар и „Фортеса-Ш 2007“ од Кичево, културно-уметничкото друштво „Драслајчанка“, Институтот за етнологија и антропологија при Природно-математички факултет во Скопје и Центарот за култура „Браќа Миладиновци“.
На фестивалот ќе бидат прикажани активностите од трите работилници: разбирање на културата и храната како средство за комуникација, музиката, играта и песната се идентитет и работилницата за разбирање на културите преку документарни фотографии со обука за документарна визуализација на општествената и културната средина.
На изложбата ќе бидат претставени фотографии од американскиот антрополог Џоел Мартин Халперн направени во 1954 година при неговиот претстој во Струга и од младите учесници на проектот фотографирани годинава.
Преку проектот се реализираат препораките за правење програми за интеркултурно, мултикултурно и мултиетничко образование, меѓусебно комуницирање, воспоставување практики на меѓусебно запознавање и споделување знаења, а со тоа намалување на ефектите од можните штети на постоечките стеротипи и предрасуди. Овие знаења, според организаторите, треба да придонесат за зголемување на капацитетите на локалните заедници за себепочитување, вреднување на различностите кај другите заедници и презентирање на регионалните културни карактеристики како самоодржлива основа за развој на регионот во економска смисла, особено од аспект на локалните форми на туристичка презентација.
Целта на проектот е воспоставување неформални форми за интеркултурен дијалог, мултикултурно и мултиетничко образование и запознавање на припадниците од различните заедници во регионите на Струга, Дебар и Кичево со културните вредности и обуки за почитување на другиот.
Ново на Сител
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата
-
Никако да се стави крај на нелојалната конкуренција
-
Стандардот, лошото здравство и образование и партизација, основни причини за иселувањето
-
Тема на денот со Елмедин Конаковиќ, Министер за надворешни работи на БиХ
-
Да се симнат табуата и мажите почесто да прават лекарски прегледи