Европска потерница по вториот човек на Златна зора – можно е да се крие во српски манастир
Еден од основачите на Златна зора и вториот човек во партијата, осуден на 13 години затвор за формирање криминална организација Христос Папас, според грчката телевизија Стар, се крие во манастир во Србија, каде што нелегално стигнал преку Северна Македонија, јави дописничката на МИА од Атина.
Откако во октомври минатата година судот ја соопшти пресудата во процесот против Златна Зора, Папас беше недостапен за властите, а издадена е и европска потерница.
Грчката телевизија „Стар“, повикувајќи се на свои информации објави дека вториот човек на неонацистичката партија, со фалсификувани документи, преправен во монах, преку нашата земја стигнал до Србија, а истрагата е фокусирана на српски манастири што имаат блиски односи со грчки монаси кои се водат според стариот календар.
На рочиштата во последните месеци од судењето, Папас беше со брада, што според „Стар“, целта била за да може целосно да се вклопи во улогата на монах.
Христос Папас е единствениот член на Златна зора што побегна и четири месеци подоцна е недостапен за властите, а заедно со Јанис Лагос, кој е европратеник се единствените кои се осдудени и сè уште не се во затвор.
Ново на Сител
-
Тема на денот со Александар Николоски, вицепремиер
-
Договор за стратешко партнерство со Велика Британија
-
Експертите ја поздравуваат најавата за инвестиции
-
Зоврива албанскиот блок со заострена реторика пред локалните избори
-
Загрижувачки 30 проценти од бремените жени се соочуваат со анксиозно-депресивни потешкотии
-
Инциденцата и преваленцата на малигни заболувања кај пациентите од истокот е во пораст
-
Преглед на вестите од светот
-
Стартува инвестиција на „Шахтерм“ - Турска фабрика за греачи за бела техника