,,Европска недела на спортот” во Берово

Во рамките на „Европска недела на спортот” во Берово ќе се одржат пријателски спортски натпревари. Настанот, како што информираат од општина Берово, ќе се одржи в денеска со почеток од 10 часот.

 

-Во рамките на „Европската недела на спортот”, Општина Берово ги поканува граѓаните со спортски дух, заеднички да ги проследиме пријателските спортски натпревари во ракомет, фудбал, пинг понг и трчање на 50 метри. Пријателските натпревари ќе се одиграат на спортските терени во деветолетката „Дедо Иљо Малешевски”.

 

Претходно во рамки на „Европската недела на спортот”, како што додадоа, се одржаа штафетни игри со беровските првачиња.

 

Целта на проектот е спорт за сите возрасни категории, на сите места и во секакви услови. Крајниот ефект како што истакнаа орханизаторите е остварување на идеите на Европската недела на спортот – придобивките од активностите во текот на спортската недела да имаат траен ефект, односно да останат во навиките на секој поединец.