Европејците, меѓу кои и Германците, не го сакаат Трамп за претседател на САД
Доколку германските граѓани би имале право да гласаат на американските претседателски избори, би ја избрале кандидатката на Демократската партија Хилари Клинтон, а не Доналд Трамп кој има германско потекло.
Повеќе истражувања на јавното мислење покажуваат дека огромно мнозинство Германци се против избор на Трамп за претседател на САД. Анкетата спроведена од магазинот „Штерн“ покажува дека дури 80 отсто од германските граѓани би гласале за Клинтон, а само 20 за Трамп, пренесува дописникот на МИА од Берлин.
И резултатите на анкетата на телевизијата Н - ТВ покажуваат сличен сооднос од 75 наспроти 20 за Клинтон. Клинтон е најпопуларна во западниот дел од земјата и меѓу „Зелените“, „Левицата“ и „Социјалдемократатите“ а Трамп повеќе поддршка добива во Источна Германија и меѓу поддржувачите на крајно десничарската „Алтернатива за Германија“ со која делат и дел од изборните слогани со кои се бара затворање на гранциата за влез на бегалци.
Најголем дел од испитаниците во анкетата на агенцијата „ЈуГов“, сметаат дека Трамп ќе биде штетен и за Германија и за САД ако биде избран. Околу 42 отсто од Германците сметаат дека Клинтон ќе ги подобри односите на САД со Европа. Обратно сметаат само три проценти од гласачите.
Само 12 отсто сметаат дека Трамп ефективно ќе се бори со меѓународниот тероризам додека доверба за ова прашање во Клинтон имаат 28 проценти од Германците. Во друга анкета во која покрај граѓаните на Германија е анкетирани и граѓани на Велика Британија, Франција Данска, Шведска, Финска и Норвешка дури 46 отсто од анкетиранните се плашат од изборот на Трамп додека на 40 проценти ќе им олесни ако Клинтон биде иден претседател на САД.
Ново на Сител
-
Истрагата за пожарот во кочанската дискотека проширена и со сопственикот на објектот
-
Помалку дипломирани студенти во 2024 година
-
Зеленски предлага трилатерална средба со Трамп и Путин
-
Приведени двајца крадци од Прилеп, со мотоцикл одзеле златно ланче од 76-годишна жена
-
Жртва на „Беланоца-Барон“ убиен за 10.000 евра бидејќи предал обвинети во „Монструм“
-
Скопското обвинителство бара притвор за жител од Батинци поради недозволено држење оружје и муниција
-
„Генерацијата З“ пие сѐ помалку алкохол
-
Трагедија во Струга, бебе старо 2 месеци донесено починато во болница