Еврокомесарот за одбрана предупредува: Воjната веќе не е незамислива
Вojната веќе не е незамислива, изјави денеска еврокомесарот за одбрана Андриус Кубилиус на форум за безбедност во Брисел. Тој нагласи дека НАТО располага само со половина од предвидените средства за подготвеност.
– Се соочуваме со совршена бура: војната во Украина продолжува без изгледи за мир, рускиот претседател Владимир Путин не се стреми кон мир, а дипломатијата не дава резултати. Руската агресија се зголемува, а Путин планира напад врз земја од ЕУ. Повлекувањето на САД од Европа е реалност, иако остануваат во НАТО, рече Кубилиус, додавајќи дека Европа мора да ги замени САД во обезбедувањето на безбедноста.
Според него, цената за тоа изнесува 300.000 војници и еден трилион долари. – Мораме итно да се подготвиме за одбрана, иако не сме во војна, живееме во воени времиња. Путин нема намера да запре, предупреди тој, нагласувајќи дека подготвеноста е клучна за спречување на напад.
Кубилиус истакна дека военото производство е од суштинско значење, а инвестициите во индустријата се клучни за заштита од војна. Тој повика на „воен Шенген“ за олеснување на движењето на воена опрема во ЕУ и најави дека Европската комисија до крајот на годината ќе предложи мерки за ова. Во Украина, 80 отсто од целите се погодени со дронови, а Русија и Украина произведуваат по четири милиони дронови годишно, додаде тој.
Ново на Сител
-
ЦУК: Активни четири пожари, 15 изгаснати, еден ставен под контрола
-
Во Норвешка, речиси секој нов автомобил е електричен
-
Татко ми ме учеше на македонштина | Дамјан Стојановски | ПРОфесија | Sitel Podcast 104
-
Влада: Ќе се основа Мултифункционален научно-технолошки парк
-
Германската царина откри 1.500 тарантули криумчарени во колачи
-
Јавниот повик за прием на 400 пожарникари завршува во четврток, најдобрите ќе бидат дел од новата специјална единица на ДЗС
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа