ЕУ е подготвена да ги прошири санкциите кон Северна Кореја
Подготвени сме да ги прошириме санкциите против Северна Кореја, изјавија денеска претседателите на Европскиот совет, Доналд Туск, на Европската комисија, Жан-Клод Јункер, и премиерот на Јапонија, Шиндѕо Абе.
- Ја споделуваме оценката дека Северна Кореја претставува растечка закана за меѓународниот мир и безбедност. Сериозно сме ангажирани и најостро ги осудуваме контиунираните нуклеарни проби и ракетни тестирања, што се сериозно нарушување на резолуциите на Советот за безбедност на ОН. Подготвени сме да ги прошириме мерките за ограничување на пристапот до средствата и технологиите за вооружените програми на Северна Кореја, па затоа повикуваме на забрзано усвојување на нова резолуција од страна на Советот за безбедност, посочуваат тројцата лидери.
Тие ја повикаа меѓународната заедница двојно да ги зголеми своите напори за примена на резолуциите на ОН.
- Северна Кореја треба да се воздржува од следни провокации, кои ќе ги зголемат регионалните и меѓународните тензии. Северна Кореја ја повикуваме итно и целосно да ги исполни своите меѓународни обврски и да ги прекине сите свои програми за разработка на нуклеарно и друго оружје за масовно уништување, како и на балистичките ракети, а, исто така, да се вклучи и во дијалогот со меѓународната заедница за целосно укинување на нуклеарното оружје од Корејскиот Полуостров, се дополнува во заедничката изјава.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување