Енда Кени: Некои ЕУ лидери може да бидат непријателски настроени кон Британија
Ирскиот премиер Енда Кени изјави денеска дека некои лидери во ЕУ би можеле да бидат „непријателски расположени“ кон Британија, опишувајќи ги вавите лидери како „гневни на одлуката за Брегзит“.
- Ваквото расположение ќе предизвика преговорите на Британија и ЕУ да бидат тешки и неизвесни, изјави Кени на специјалната конференција на Северот и Југот на ирскиот остров, посветена на последиците од британското напуштање на ЕУ.
На конференцијата во Даблин, премиерот на Република Ирска предупреди дека британскиот премиер Тереза Меј би можела да покрене Брегзит порано, можеби и во рок од неколку недели, за да ги изненади „злобните“ европски лидери, јави Би-Би-Си.
Претходно, Меј навести дека членот 50 од Лисабонската спогодба, владата во Лондон ќе го покрене до крајот на март 2017 година, но Кени предупредува оти „тоа не значи дека Меј не може да ги започне тие преговори, порано уште во декември, или во јануари“.
Владата во Даблин се обидува да воспостави општ, се-ирски дијалог на Северна Ирска и на Република Ирска за Брегзит, со учество на претставници од бизнисот и аграрот, како и на цивилното општество.
На конференцијата во Даблин присуствуваат сите три северноирски партии на католиците-Шин Феин, Социјалдемодкратската либерална партија СДЛП и партијата Алијанса, но форумот е бојкотиран од двете главни партии на унионистите - демократската унионистичка партија и Алстерската унионистичка партија.
- Брегзит е прашање кое потенцијално ги погаѓа сите на островот и тоа е најголемиот предизвик - економски и социјален- во последните 50 години, истакна ирскиот премиер Енда Кени.
Ново на Сител
-
Лишен од слобода возачот кој со возило удри велосипедист во Скопје
-
УНИЦЕФ: Најмалку 322 деца наводно убиени во Газа по прекинот на огнот
-
Кривична за 10 припадници на ЕБР за злоупотреба на службена положба и овластување
-
Врховниот суд ги разгледа извештаите за работата на пониските судови
-
Исчезна 14 годишно девојче од Скопје
-
Ќе продолжи изградбата и реконструкцијата на повеќе театри, предвидени 123 775 000 денари
-
Ќе се набавуваат 120 еколошки автобуси, најголем дел за Скопје
-
Влада: Усвоена информација за изградба на нови објекти и за реконструкција на постојните објекти во културата и набавка на 120 еколошки автобуси