Емануел Макрон е новиот претседател на Франција
Центристот Емануел Макрон е избран за нов претседател на Франција, откако според првите проекции на изборните резултати од денешниот втор круг од претседателските избори, тој добил 62,5 отсто од гласовите, јави дописникот на МИА од Париз.
Марин Ле Пен од екстремно десниот Националниот Фронт освоила 34,9 отстo од гласовите, што претставува многу подобар резултат од тој на нејзиниот татко Жан Мари Ле Пен на изборите во 2002 година, кога како противкаондидат на Жак Ширак освои само 17,79 проценти од гласовите.
Излезеноста на гласачките места на денешното гласање, според првите проценки, е 74,7 отсто, што е помалку во споредба со 2012 година кога во вториот круг гласаа 80,35 проценти од гласачите.
Ова е рекордно ниско учество на едни претседателски избори во Франција од 1969 година.
Се претпоставува дека бројот на неважечки и празни ливчиња е исто така голем, што само сведочи за отфрлањето на двајцата кандидати од добар дел од француските гласачи.
Триест и деветгодишниот Макрон со денешнити избори станува најмладиот претседател на Франција, осми по ред шеф на Петтата Француска Република.
Ова се први претседателски избори што се одржуваа во услови на вонредна состојба поради терористичките напади од 13 ноември 2015 година и на нив првпат во вториот круг не се најде ниту еден кандидат од двете водечки политички партии - социјалистите и републиканците, кои се менуваа на власт во Франција во последниве триесет години.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка