ЕЛЕМ ќе увезува струја по пониска цена од производната
АД ЕЛЕМ ќе увезе 32.710 мегават-часови електрична енергија во период од 11 март до 30 април годинава по просечна цена од 36,4 евра, информираат од компанијата.
Увозот, како што нагласуваат, следи по избраните најповолни понуди за набавка на електрична енергија на аукцијата од 7 март годинава на која учествуваа девет економски оператори.
- Во согласност со спроведениот јавен оглас за набавка на електрична енергија од 7 март годинава, АД ЕЛЕМ ќе набави електрична енергија по просечна цена од 36,4 евра. Оваа цена е според очекувањата на „Електрани на Македонија“ и е пониска од моменталната производствена маргина на компанијата, соопшти АД ЕЛЕМ.
Со оваа набавка, се додава во соопштението, ќе се создадат одлични предуслови АД ЕЛЕМ да ги продава вишоците на произведената електрична енергија и да додаде вредност на сопствениот производ во периоди кога берзанската цена ќе биде повисока.
- Во периодот што следува АД „Електрани на Македонија“ ќе ја следи и анализира ситуацијата на пазарот, а со цел оптимизација на сопственото производство. Компанијата ќе носи одлуки кои ќе бидат во согласност со потребите на граѓаните, а истовремено ќе обезбеди и поголема додадена вредност на крајниот производ и зголемен приход, потенцираат од АД ЕЛЕМ.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување