„Експрес“: Косовски функционери добиваат и по шест плати
Додека половина од граѓаните на Косово се невработени, има и такви кои се „поспособни“ и држат по две, три, па дури и по шест работни места, нвведува приштинскиот весник „Експрес“, додавајќи дека станува збор за министри, заменици министри, пратеници и други високи државни функционери.
Како што јави дописникот на МИА, според Агенцијата за борба против корупцијата, од пријавите за приходи произлегува дека некои високи функционери извршуваат или држат по две и повеќе функции.
Без оглед на големиот број на вакви лица, оваа појава од законски аспект не претстваува кривично дело, но може да биде извор на конфликт на интереси, смета весникот.
- Од извештајот на Агенцијата се гледа дека 1.552 лица на високи јавни функции држат повеќе од едно работно место. Со две работни места се 1.184 функционери, со три 321 фукционер, а со четири работни места се 35. Но, тоа не е се. Косовците се покажува дека се спосони да обавуваат и по пет и шест работни места, наведува „Експрес“.
Извори во Агенцијата за борба против корупција потврдиле дека најмалку осум функционери држат пет, додека четворица функционери дури шест работни места.
На оваа појава пред три години алармираше и тогашниот претседател на косовскиот Парламент Јакуп Красниќи, кој беше против тоа едно лице да има повеќе работни места.
- Какви Супермени се тие кои имаат по пет работни места истовремено. Тие секојдневно го кршат законот и никој не ги спречува во тоа, изјави Красниќи.
Ново на Сител
-
Чешкиот „Блек хок“ се очекува да полета кон планината Готен, пристигнаа и словенечките пожарникари
-
Македонци во Тајван, сведочат за предупредувањето и опасноста од цунами по земјотресот на Камчатка
-
Кривична за управител за одгледување на канабис за медицински цели, одземени еден килограм и 260 грама марихуана
-
Економско-социјалниот совет треба да одржи седница, се очекува да се разговара за инфлацијата и порастот на платите
-
Уапсен поранешниот НБА кошаркар Морис, обвинет е за измама
-
Без вода неколку улици во Скопје
-
Почнува изградбата на „Меморијален парк за жртвите од пожарот во модуларната болница - Тетово“
-
Тројца украински војници загинаа, а 18 се ранети во руски напад врз единица за обука