Египетската полиција случајно уби 12 турист
Полицијата во Египет, случајно, во престрелка во пустина уби 12 туристи и нивниот водич, додека 10 лица се повредени.
Министерството за внатрешни работи соопшти дека до масакрот дошло „случајно“, откако за комбито во кој биле туристите помислиле дека е возилото на џихадисти, кое со голема брзина се движеле кон пустината. Подоцна била ликвидирана и џихадистичката група која била цел на египетската полиција, а која се сомничи за обезглавувањето на Хрватот Томислав Салопек и за вмешаност во атентатот врз главниот египетски обвинител Хишам Баракат, кој беше убиен на 29 јуни.
Преживеаните туристи соопштија дека патувале низ пустината во конвој од четири возила, кога биле нападнати, пренесува „Гардијан“.
Во соопштението од египетското МВР се наведува дека истражувале „терористички елементи“ и дека туристите не смееле да бидат во таа област.
„Заедничките сили на војската и полицијата биле во потрага по терористички сили во западниот дел на пустината, кога случајно наишле на четири возила со мексикански туристи. Дошло до инцидент, во кој се убиени 12 лица, а 10 се повредени, кои се префрлени во болница“, се наведува во соопштението.
Исто така се дополнува дека е покрената истрага за случајот.
Засега со сигурност е утврдено дека меѓу жртвите има најмалку двајца мексикански државјани. Претседателот на Мексико Енрике Пења Нието го осуди убиството на своите сонародници и го оквалификува како трагичен инцидент. Тој побара од египетските власти целосно расветлување на случајот.
Ново на Сител
-
БиХ: Дете пронајдено живо под плоча тешка два тона
-
Тепачка во дискотека во Штип - Осум луѓе побарале здравствена помош
-
Крушево: Жена возејќи „ауди“ удри во паркирано возило
-
Во Тунис денеска се избира претседател, со еден претседателски кандидат во затвор
-
Кавадарчанка пријавила напад врз малолетниот син во угостителски објект со стаклени и други предмети
-
Во израелски напад врз џамија и училиште во Газа загинаа 24 лица, а 93 се ранети
-
Петнаесетгодишно момче избодено 50 пати со нож и живо запалено во Марсеј
-
Во прекин сообраќајот на патот Ресен – Охрид, кај планинскиот премин Буково