ДЗС го заврши ангажманот во поплавените подрачја
Во поплавените подрачја односно во Црешево, Смилковци, Булачани, Брњарци, депонија Арачиново, Сингелиќ, Камник, Стајковци, Раштански пат и Инџиково, Дирекцијата за заштита спасување (ДЗС) со 3.400 вработени исчистила и тампонирала 71 улица со вкупна должина од 15.700 метри, а исчистени се канали и речни корита во должина од 8,6 километри.
За ова денеска во училиштето „25 Мај“ во населбата „Ченто“ информираше директорот на ДЗС Шабан Салиу при што истакна дека Дирекцијата од кризните подрачја денеска ги повлекува сите 96 камиони и багери кои биле ангажирани во расчистување.
- Извршивме дезинфекција и дератизација на 447 објекти, испумпана е вода и кал од 53 куќи. Исчистени се 67 септички јами, исчистени се куќи и дворни места од кабаст отпад од околу 129 домаќинства. Санирани се 12 свлечишта со вкупна должина од 770 метри, санирани се темелите на една куќа, и потпорни ѕидови на 10 куќи со вкупна должина од 270 метри, истакна Салиу.
Преку ДЗС ангажирани биле 19 фирми меѓу кои „Борос“, „НБ Компани“, „Јорго комерц“, „Магнум инсталација“, „Ален компани“, „Камацо“, „Ени компани“ и други. Директорот Салиу се заблагодари на сите кои помогнали како и на државите кои донираа помош од технички средства, пумпи за испумпување на вода, агрегати, кревети за спиење, душеци, средства за дезинфекција и друго.
Салиу изрази сочувство до фамилиите од настраданите во поплавата и информира дека се уште не е пронајдено 16-месечното дете по кое се трага.
Ново на Сител
-
Родители во Велика Британија поднесоа тужба против ТикТок поради податоци за починати деца
-
Македонија со пораз од Естонија остана без пласман на Европското кошаркарско првенство
-
Доктор: Животот на папата Франциск не е во опасност, тој е добро расположен
-
Украинските војници не сметаат дека наскоро ќе има крај на војната
-
Полицаец се самозастрела во Скопје
-
47-годишен турчин измамен во Штип за сума од 3.550 евра
-
Минчев: Меџити да не се однесува како Алиса во Земјата на чудата
-
Извори од Ватикан: Денес или утре ќе се знае како папата Франциск реагира на новата терапија