Две од седум исчезнати деца во Малезија пронајдени живи по 47 дена
По исчезнувањето на шест девојчиња и едно момче на возраст меѓу 7 и 11 години, кои избегале од училиштето на 23 август и се криеле во џунглата, специјални екипи трагачи од малезиската полиција вчера пронашле две девојчиња од групата. По 47 дена тие, прегладнети, но релативно здрави се однесени во локална болница, каде што ќе се опоравуваат.
Денешните весници во Малезија јавуваат дека девојчињата преживеале хранејќи се со шумски плодови и опстанале, иако немале никаква обука за однесување во вакви услови. Спасителите ги пронашле речиси во последен момент, бидејки биле толку исцрпени што сами не можеле да стојат на сопствените нозе.
Трагачите во минатата среда откриле едно тело, за кое е утврдено дека е од групата што избегала од училиштето. По пронаоѓањето на двете преживеани девојчиња, во областа Келантан, подрачје со густа прашума и брзи реки, се зголеми бројот на трагачи кои се надеваат дека живи ќе ги најдат четирите девојчиња.
Ново на Сител
-
Калаc: САД сакаат кавга со ЕУ
-
Намален прометот во индустријата
-
Почина гинекологот и акушер проф. д-р Јован Јуруковски
-
Уапсен 47-годишен од с.Дражево, нападнал човек со остар предмет
-
Кривична против две лица од Кочани поради користење на туѓа дебитна картичка
-
Нападната 46-годишна жена на нејзиното работно место во Скопје
-
Кривична за 33-годишен штипјанец, нудел пари да се запали возило на друго лице
-
Трошоците на живот во јануари на годишно ниво повисоки за 4.9 %, а цените на мало за 5.2 %.