Две илјади полицајци ќе обезбедуваат партиска конвенција во Аугсбург

Полицијата во Аугсбург се подготвува за она што тие го нарекуваат најголема операција во историјата на тој баварски град, кога во градот ќе се одржи партиска конвенција на десничарската Алтернатива за Германија (АфД).

За време на конвенцијата, која ќе се одржи за време на викендот, ќе бидат распоредени дополнителни 2.000 полицајци, информираше денеска полицискиот портпарол Томас Рајгер.

Пријавени се неколку демонстрации против АфД, а во нив се очекува да учествуваат илјадници лица.

Претходните конвенции на АфД беа одржани во Келн и Хановер, каде и покрај силното полициско обвезбедување, во судирите беа повредени неколкумина полицајци и демонстранти.