Два пожари за едно деноноќие
Изминатото деноноќие Кривопаланечките пожарникари интервенирале на два пожари, едниот се случил денес во семејна куќа во градот, додека вториот се случил вчера попладне во атарот на село Мождивњак, каде гореле сува трева и шума.
-По дојава за пожар примена околу 11 часот и 5 минути, за опожарена семејна куќа на улицата „Македонска“ број 15, на лице место се упатиле две возила и петмина пожарникари кои за помалку од пет минути од дојавата го гаснеле пожарот. Истиот бил ликвидиран за помалку од еден час, а во пожарот е изгорена кујната и дел од инвентарот во дневниот престој. Изгореле и повеќе апарати за домаќинство, а причината за пожарот дополнително ќе се утврдува, информира Иле Коцевски, командир на Територијална противпожарна единица, Крива Паланка.
Ова е втор пожар во месец февруари во Кривопаланечко.
-Вчера попладне нашата единица интервенираше на пожар кој настана во м.в. Стражин, кај село Мождивњак. Во гасењето на пожарот учествуваа и вработени од Јавно претпријатие „Македонски шуми“, Подрачно шумско стопанство „Осогово“. Екипите го гаснеа пожарот повеќе од три часа, а опожарени се девет хектари пасишта и еден хектар нискодеградирана шума, додаде Коцевски.
Двата пожари се со поголема материјална штета.
Ново на Сител
-
Најмалку девет лица загинаа во самоубиствен бомбашки напад во црква во Дамаск
-
Рубио: Светот е побезбеден по американските напади врз Иран
-
На Богородица и Табановце од македонска страна се чека околу еден час
-
Скопјанец ја повредил својата четиригодишна ќерка, предложен притвор
-
Израел го отвори воздушниот простор по американските напади врз Иран
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле