ДСЗИ: Не е констатирано непочитување на Законот за заштита од пушењето во Клиниката за пластична и реконструктивна хирургија
Државниот санитарен и здравствен инспекторат (ДСЗИ) соопшти дека при инспекцискиот надзор во Универзитетска клиника за пластична и реконструктивна хирургија, спроведен по објавените информации за наводно непочитување на Законот за заштита од пушењето во таа јавна здравствена установа, не се констатирани недостатоци по однос на обврските кои таа ги има, а произлегуваат од овој закон (истакнување на видно место на знаци за забрането пушење во сите простории на објектот, како и почитувањето на одредбите од законот од страна на сите вработени за забрана за пушење во здравстената установа).
ДСЗИ информира дека доколку кој било граѓанин забележи непочитување на Законот за заштита од пушењето, може да достави доказен материјал врз основа на кој од страна на Инспекторатот ќе биде спроведена соодветна инспекциска постапка.
Во изминатиот перидот од страна на ДСЗИ, како што се посочува, беше спроведена постапка за порамнување на здравствен работник кој не го почитувал Законот, а врз основа на соодветен доказен материјал доставен во претставка од граѓанин.
Инаку во последно тримесечје Државниот санитарен и здравствен инспекторат извршил 543 инспекциски надзори во јавни и приватни здравствени установи по однос на прописите во областа на здравството, вклучувајќи ја примената на Законот за заштита од пушењето, стои во соопштението.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје